Španski teniser Rafael Nadal bio je uspješan na startu posljednjeg Gren slem turnira u sezoni, US Opena.

Prvi nosilac savladao je Dušana Lajović iz Srbije sa 3:0, po setovima 7:6, 6:2, 6:2.

Nadal je imao dosta problema u uvodnoj dionici, gubio je sa 5:3, ali je dobrom igrom u prelomnim trenucima pronašao put do početnog vođstva u meču.

Nakon propuštene prilike u prvom setu, Lajović u nastavku nije uspio da pruži jači otpor favorizovanom rivalu, pa je Nadal poslije dva sata i 20 minuta igre proslavio plasman u drugo kolo.

“Bik sa Majorke” će u narednoj rundi igrati protiv boljeg iz duela Japanca Danijela Tar0a i Amerikanca Tomija Pola.